O Firefox 14 xa está dispoñible en galego
Xa é posible descargar a versión en galego para Windows, Mac OS X e Linux do Firefox 14. Esta nova versión do Firefox destaca por empregar o protocolo de comunicacións seguras (HTTPS) para as buscas enGoogle, poder funcionar a pantalla completa en Mac OS X Lion, permitir facer que os engadidos só carguen cando se prema sobre eles (o que claramente pode mellorar a estabilidade e seguridade da aplicación), a barra de enderezos agora autocompleta os URL que escribiramos anteriormente e mellora o xestor de identidade de sitios web para evitar a suplantación dunha conexión segura empregando favicons. Tamén inclúe melloras para desenvolvedores e arranxa varios fallos detectados na súa anterior versión.
Máis información en Código Cero.
- Tags:
- código cero firefox versión galega