A USC presentou en Lugo o galego como lingua de progreso
As comisións de normalización lingüística dos centros do Campus de Lugo organizaron conxuntamente o foro Proxéctate en galego, un encontro que, en palabras dos seus promotores, ten como obxectivo "mostrar que o galego é unha oportunidade e unha lingua moito máis viva e dinámica do que se poida crer. O galego non é ningunha barreira no mundo académico ou profesional; pola contra, é unha oportunidade para o emprendemento, para a ciencia e para a comunicación entre as persoas".
A actividade, dirixida a toda a comunidade universitaria, celebrouse entre os días 26 e 28 na Casa do Saber adxunta á Vicerreitoría de Coordinación e Planificación do Campus de Lugo.
Información tirada de xornal.usc.es.
- Tags:
- Campus Lugo Proxéctate USC galego