Atopan no Museo de Pontevedra un pergamiño das Partidas de Afonso X
O fragmento conservado no Museo corresponde á quinta Partida ,que se refire aos contratos entre persoas. Aínda que conserva a dobrez orixinal vense claramente as dobras realizadas cando se utilizou como cuberta do Libro del Ayuntamiento de Pontevedra de 1573-1575.
Está escrito a dobre columna, en escritura gótica textual e utiliza tres cores de tinta.
Tras o achado os técnicos confirmaron o mal estado no que estaba o documento do século XIII, o que obrigou a acometer varios traballos de restauración para intentar recuperar a obra. Unha vez completada a limpeza e o alisado da pel do pergamiño, reintegráronse partes que faltaban neste documento.
Pódese completar a información deste achado no web do Museo de Pontevedra (inclúe fotografías de detalles do pergamiño).
Información tirada do Faro de Vigo.